Sunday, January 21, 2024
ഇതിഹാസങ്ങൾ ഘോഷിക്കാത്ത സ്നേഹം
പ്രതികാരം, ശാരീരികമായി തളർത്തൽ, ചൂതാട്ടം ,പിടിച്ചു വാങ്ങൽ എന്നിങ്ങനെ മനുഷ്യരിലെ എല്ലാ വികാരങ്ങളും ഇതിഹാസങ്ങൾ നമുക്ക് മേലൊപ്പ് ചാർത്തി തന്നിട്ടുളളവയാണ്.
സങ്കുചിതമെന്ന് നാം ചിന്തിക്കുന്ന പുതിയ ലോകത്ത് മാത്രമാണോ ഈ വികാരങ്ങൾ?
അല്ല... ആണെങ്കിൽ എന്തിന് പാണ്ഡവർ ചൂതാട്ടത്തിന് നിന്നു?
പാഞ്ചാലിയെ എന്തിന് കൗരവരുടെ ഇടയിൽ വലിച്ചെറിഞ്ഞു?
എന്തിന് പങ്കുവെച്ചു?
ദൈവാവതാരം കൂടെ ഉണ്ടായിട്ടും മഹാപിതാവായ ഭീഷ്മർക്ക് അർജ്ജുനൻ ശരശയ്യ ഒരുക്കാൻ കാരണെന്ത് ?
ഉത്തരങ്ങൾ അനുകൂലിച്ചും പ്രതികൂലിച്ചുമാകാം...
ഇന്നത്തെ അവസ്ഥയിൽ ഏത് പക്ഷത്തോടാണ് നിങ്ങൾ എന്നതിന് പ്രസക്തിയുമുണ്ട്.
വാശി കൊണ്ട് നാം തീർക്കുന്ന പ്രതലങ്ങൾക്ക് മുറിവേറെയുണ്ട്
ദുഷ്ടതയുടെ പ്രതീകമായ ദുര്യോധനന്റെ കൂടെ കർണ്ണൻ എന്ന മഹത് വ്യക്തി നിലയുറപ്പിച്ചതെന്തിന്?
ഈ പറഞ്ഞ വികാരങ്ങളേക്കാൾ സൗഹൃദത്തിന് മൂല്യം നൽകിയതുകൊണ്ട് പക്ഷെ കൃഷ്ണാർജ്ജുന ബന്ധത്തിന് മാത്രമേ ഇതിഹാസം സ്ഥാനം നൽകിയുള്ളൂ.
അവിടെയും പക്ഷഭേദം അരങ്ങേറിയില്ലേ?
പിന്നെയെങ്ങനെ ഇന്നത്തെ ലോകം മാറി ചിന്തിക്കും?
ഞങ്ങളുടെ രാജ്യം തിരിച്ചു നൽകാൻ തയ്യാറല്ലാതിരുന്നിട്ടും യുദ്ധം ഒഴിവാക്കാൻ യുധിഷ്ഠിരൻ ഒരു വ്യവസ്ഥയ്ക്ക് തയ്യാറായി. അഞ്ചു നഗരങ്ങള് ലഭിക്കാൻ ഇന്ദ്രപ്രസ്ഥം, വൃകപ്രസ്ഥം, വാരണാവതം, ജയന്തം ,അഞ്ചാമത്തെ നഗരം ധൃതരാഷ്ട്രരുടെ തീരുമാനത്തിനും വിട്ടു.
ബുദ്ധിമാനായ സത്യസന്ധനായ യുധിഷ്ഠിരൻ പോലും ആ ചോദ്യത്തിൽ വൈരാഗ്യം കാണിച്ചു.പക പോക്കലിന്റെ വൈരാഗ്യം. എന്ത് കൊണ്ട്?
മനുഷ്യ ജന്മത്തിന് പരിമിതികളുണ്ട്. ആ പരിമിതികൾക്കപ്പുറം നിങ്ങൾക്ക് ഒരാളെ സ്നേഹിക്കാൻ പറ്റുന്നുണ്ടെങ്കിൽ അതാണ് യഥാർത്ഥ സ്നേഹം ... ഇതിഹാസങ്ങൾ ഘോഷിക്കാത്ത സ്നേഹം..
Subscribe to:
Post Comments (Atom)
No comments:
Post a Comment